काठमाडौं । बिओके क्यापिटल मार्केट लिमिटेडले १८ प्रतिशत लाभांश प्रस्ताव गरेको छ । उक्त लाभांश पारित गर्नका लागि क्यापिटलले असोज २० गते छैठौ वार्षिक साधारण सभा आह्वान गरेको छ । क्यापिटलको भदौ २४ गतेको सञ्चालक समितिको बैठकले क्यापिटलको कार्यालय, नक्साल, काठमाडौंमा दिउँसो ३ बजे सभा बोलाएको छ ।
सभाले गत आर्थिक वर्ष ०७७/७८ को नाफाबाट चुक्ता पूँजी २१ करोड रुपैयाँको १८ प्रतिशतले हुन आउने कर समेत ३ करोड ७८ लाख बराबरको नगद लाभांश वितरण गर्ने प्रस्ताव पारित गर्नेछ ।
त्यस्तै, सभामा कम्पनीको रजिष्टर्ड कार्यालयको ठेगाना परिवर्तन गर्ने विषयलाई पनि पारित गर्ने एजेण्डा रहेको क्यापिटलले जनाएको छ ।
गत आर्थिक वर्षको वार्षिक प्रतिवेदन सहितका वित्तीय विवरणहरु पारित गर्ने, चालू आर्थिक वर्ष ०७८/७९ को लागि लेखापरीक्षक नियुक्तिसँगै निजको पारिश्रमिक निर्धारण गर्ने प्रस्तावहरु पेश हुनेछन् ।
