काठमाडौं । सिद्धार्थ क्यापिटल लिमिटेडको १०औं वार्षिक साधारण सभा असोज १८ गते हुने भएको छ । क्यापिटलको कार्यालय नारायणचौर, नक्साल, काठमाडौंमा साँझ ४ बजे सभा बोलाइएको हो ।
कोभिडको जोखिमलाई ध्यानमा राखी सभामा भर्चुअल माध्यमबाट सहभागी गराउने व्यवस्था क्यापिटलले गरेको छ ।
सभाले गत आर्थिक वर्ष ०७७/७८ को वार्षिक प्रतिवेदन सहितका वित्तीय विवरणहरु पारित गर्नुका साथै चालू आर्थिक वर्ष ०७८/७९ को लागि लेखापरीक्षक नियुक्ति र निजको पारिश्रमिक निर्धारण गर्ने एजेण्डा रहेको छ ।
साथै, प्रस्तावित ४० प्रतिशत नगद लाभांश समेत सभाले पारित गर्नेछ । क्यापिटलले गत आर्थिक वर्ष ०७७/७८ को सामाजिक उत्तरदायित्व अन्तर्गत खर्च भएको २ लाखलाई समेत सभाले पारित गर्नेछ ।
