काठमाडौं । कारोबार सुरु भएको केहि समय तिव्र गतिले सुधार देखिएको शेयर बजार ३० मिनेट पनि टिक्न सकेन । ३२ अंकले सुधार भएको शेयर बजार एकाएक तल झर्दा केहि समयमै १३ अंकले तल झर्यो । सुरुवाती एक घण्टाको उचारचढाव पछि कारोबार रकममा पनि खासै राम्रो सुधार हुन सकेन ।
साताको अन्तिम दिन नेप्से सूचक सुन्य दशमलब ६२ अंकले घटेको छ । कारोबार रकम पनि ७ अर्ब ५ करोड रुपैयाँमै सिमित भएको छ । व्यापार, हाइड्रोपावर, जीवन बीमा र इन्भेष्टमेन्टको उपसूचकमा सुधार देखिएको छ भने बाँकी सूचक घटेका छन् ।
सबैभन्दा धेरै हाइड्रोपावरको सूचक १.९१ प्रतिशतले बढेको छ भने सबैभन्दा ठुलो गिरावट फाइनान्समा देखिएको छ । फाइनान्सको सूचक १.२८ प्रतिशतले घटेको छ । दोस्रो बजारमा २३० वटा कम्पनीहरुको कारोबार हुँदा ८५ वटाको मूल्य घटेको छ ।
आज तीन वटा कम्पनीको शेयर मूल्यमा सकारात्मक सर्किट लागेको छ । हिमालयन पावर, सानिमा लाइफ र रैराङ हाइड्रोपावर सबैभन्दा धेरै बढ्ने क्रममा सर्किट लागेको हो । रिडी हाइड्रोपावरका शेयरधनीहरुले सबैभन्दा धेरै ५.२६ प्रतिशतले गुमाएका छन् । रिडीको मूल्यमा सर्वाधिक गिरावट हुँदा कारोबार रकम भने सबैभन्दा धेरै ४९ करोड ३९ लाख रुपैयाँको भएको छ ।
