काठमाडौं । मोदी इनर्जीले मध्यम किसिमको सुरक्षा जनाउने ‘डबल बि प्लस’ रेटिङ प्राप्त गरेको छ । कम्पनीले ४२ करोड रुपैयाँको प्राथमिक शेयर निष्काशन गर्ने तयारी गरेको छ । आयोजना प्रभावित क्षेत्रका लागि १६ करोड ८० लाख रुपैयाँको प्राथमिक शेयर निष्काशन गर्नेछ भने २५ करोड २० लाख रुपैयाँ सर्वसाधारणका लागि जारी गर्नेछ । प्राथमिक शेयर निष्कासनका लागि सनराइज क्यापिटललाई नियुक्त गरिसकेको छ ।
कम्पनीले पर्वत जिल्लामा २० मेगावाट क्षमताको तल्लो मोदीखोला जलविद्युत आयोजना निर्माण गरिरहेको छ । आयोजनाको जम्मा लागत ६ अर्ब ६ करोड रुपैयाँ लाग्ने अनुमान गरिएको छ । जस मध्ये तीन अर्ब ९२ करोड रुपैयाँ ऋण र २ अर्ब १३ करोड रुपैयाँ शेयर पूँजी मार्फत जुटाउने योजना छ । प्रतिमेगावाट लागत ३० करोड भन्दा माथि पर्ने देखिएको छ ।
