काठमाडौं । आज शुक्रवार पछिल्लो २४ घण्टामा थप १ हजार ७५६ जनामा कोरोना भाइरस संक्रमण पुष्टि भएको छ । गत २४ घण्टामा १४ हजार ३३४ जनामा कोरोना परीक्षण गर्दा उक्त संख्यामा संक्रमित थपिएका हुन् । जसमध्ये ९ हजार ७७३ जनाको पीसीआर तथा ४ हजार ५६१ जनाको एन्टिजेन परीक्षण गरिएको स्वास्थ्य तथा जनसंख्या मन्त्रालयले जनाएको छ ।
यस अवधिमा देशभर २३ जना कोरोना संक्रमितको मृत्यु भएको छ । यससँगै नेपालमा कोरोना संक्रमणका कारण मृत्यु हुनेको संख्या १० हजार ८०९ पुगेको मन्त्रालयले बताएको छ ।
शुक्रवार २ हजार २७४ जना निको भएसँगै हालसम्म ७ लाख २३ हजार ४५६ जना कोरोना संक्रमणबाट मुक्त भएका छन् । हाल देशभर सक्रिय संक्रमितको संख्या ३३ हजार ६ पुगेको छ ।
