काठमाडौं । सनराइज म्युचअल फण्ड अन्तर्गत सञ्चालित सनराइज फर्स्ट म्युचअल फण्डको प्रतिफल सुरक्षित गर्ने आज अन्तिम दिन रहेको छ । फण्डले प्रतिफल वितरण प्रयोजनको लागि भदौ १६ गते (एक दिन) का लागि बुक क्लोज गर्ने जनाएको छ । त्यसैले भदौ १५ गतेसम्मका कायम इकाईधनीले मात्र उक्त प्रतिफल प्राप्त गर्न सक्नेछन् ।
योजनाले आर्थिक वर्ष २०७७/७८ को लागि इकाई धनीहरुलाई ५० प्रतिशत नगद लाभांश (कर सहित) वितरण गर्ने घोषणा गरेको छ । सोही प्रयोजनका लागि योजनाले बुक क्लोजको मिति तय गरेको हो ।
