काठमाडौं । एनएमबि म्युचुअल फण्ड अन्तर्गत सञ्चालित एनएमबि सरल बचत फन्डले भदौ १७ गतेबाट इकाई निष्काशन तथा बिक्री खुला गर्ने भएको छ । फण्डले १० करोड इकाई निष्काशन तथा विक्री गर्न लागेको हो ।
कोष प्रवद्र्धक एनएमबि बैंक र योजना व्यवस्थापक क्यापिटल रहेको फण्डले प्रतिइकाई १० रूपैयाँ मूल्य अंकित दरमा १० करोड इकाईको ४० प्रतिशत अर्थात ४ करोड इकाई प्रथम चरणमा निष्काशन तथा बिक्री खुला गर्न लागेको हो । निष्काशन गर्न लागेको कुल इकाईमध्ये १४ प्रतिशत अर्थात १ करोड ४० लाख इकाई कोष प्रबद्र्धक एनएमबि बैंक र १ प्रतिशत योजना व्यवस्थापक एनएमबि क्यापिटललाई छुट्याइएको छ । बाँकी रहेको २ करोड ५० लाख इकाई सर्वसाधारणका लागि विक्री खुला हुनेछ ।
उक्त इकाईमा बन्द हुने मिति छिटोमा भदौ २१ गते बैंकिङ समय सम्म रहेको छ । यस अवधिसम्ममा पनि विक्री नभए भदौ ३१ गतेसम्म खुला रहने जनाएको छ । उक्त इकाईमा न्यूनतम १ सय इकाई र अधिकतम ४० लाख इकाईको लागि आवेदन दिन सकिनेछ । धितोपत्र निष्काशन तथा विक्री प्रबन्धकमा एनएमबि क्यापिटल लिमिटेड रहेको छ ।
आवेदकले नेपाल धितोपत्र बोर्डबाट स्वीकृती प्राप्त सम्पूर्ण सि आस्बा सेवाका बैंक तथा वित्तीय संस्थाहरु र तिनका शाखा कार्यालयहरुबाट आवेदन दिन सक्नेछन् ।
