काठमाडौं । दुई जलविद्युत र एक लघुवित्त सहित तीन कम्पनीले प्राथमिक शेयर निष्काशनका लागि नेपाल धितोपत्र बोर्डमा निवेदन दिएका छन् । उपकार लघुवित्त वित्तीय संस्थाले २ करोड ६६ लाख २५ हजार रुपैयाँको प्राथमिक शेयर निष्काशनको अनुमति माग्दै बोर्डमा निवेदन दिएको हो ।
संस्थाले सर्वसाधारण समुहको २ लाख ६६ हजार २५० कित्ता शेयर सर्वसाधारणका लागि बिक्री गर्नेछ । संस्थाको धितोपत्र निष्काशन तथा बिक्री प्रवन्धकमा नेपाल एसबिआई मर्चेन्ट बैंकिङ रहेको छ । त्यस्तै रिभर फल्स पावर कम्पनीले पनि प्रभावित तथा सर्वसाधारणका लागि ३४ करोड ३० लाख रुपैयाँको प्राथमिक शेयर जारी गर्दै छ । कम्पनीको धितोपत्र निष्काशन तथा बिक्री प्रवन्धकमा प्रभु क्यापिटल रहेको छ । कम्पनीले ३४ लाख ३० हजार कित्ता प्राथमिक शेयर जारी गर्ने भएको हो ।
र थ्रिस्टार हाइड्रोपावरले पनि स्थानीय प्रभावित तथा सर्वसाधारणका लागि १२ करोड ३१ लाख रुपैयाँको प्राथमिक शेयर जारी गर्ने भएको छ । कम्पनीले १२ लाख ३१ हजार २५० कित्ता शेयर जारी गर्ने अनुमतिका लागि बोर्डमा पुगेको हो । कम्पनीले धितोपत्र निष्काशन तथा बिक्री प्रवन्धकमा हिमालयन क्यापिटल रहेको छ ।
