काठमाडौं । आज नेपाली बजारमा सुन चाँदीको मूल्य घटेको छ । हिजो तोलामा ९१ हजार २ सय रुपैयाँमा कारोबार भएको छापावाला सुनको मूल्य आज बिहीबार ४ सय रुपैयाँले घटेर तोलाको ९० हजार ८ सय रुपैयाँमा कारोबार भएको नेपाल सुनचाँदी व्यवसायी महासंघले जनाएको छ ।
त्यसैगरी, तेजावी सुनको मूल्य आज तोलाको ९० हजार ३ सय रुपैयाँ कायम भएको छ । बुधबार तेजावी सुनको मूल्य तोलाको ९० हजार ७ सय रुपैयाँ कायम भएको थियो ।
त्यस्तै, आज बिहीबार चाँदीको मूल्य पनि घटेको छ । हिजो तोलाको १ हजार २ सय ५ रुपैयाँमा कारोबार भएको चाँदीको मूल्य आज २५ रुपैयाँले घटेर तोलाको १ हजार १ सय ८० रुपैयाँमा कारोबार भएको महासंघले जनाएको छ ।
