काठमाडौं । आज शेयर बजार नेप्से परिसूचक ५ दशमलव ७५ अंकले बढेको छ । आज ८८ वटा कम्पनीको शेयर मुल्य बढेको छ भने ९१ वटा कम्पनीको शेयर मुल्य घटेको छ । आज जीवन बीमा उपसूचक ० दशमलव ९६ प्रतिशतले घटेको छ भने निर्जीवन बीमा उपसूचक ० दशमलव ४७ प्रतिशतले घटेको छ ।
आज दिनभरिमा २२७ वटा कम्पनीको २ करोड ८६ लाख १७ हजार ८०५ कित्ता शेयर किनबेच हुँदा १५ अर्ब ९३ करोड ८ लाख ९७ हजार रुपैयाँको शेयर कारोबार भएको छ । आज सबैभन्दा धेरै नेशनल हाइड्रोपावर कम्पनीको शेयर कारोबार भएको छ । कम्पनीको ७४ करोडमाथिको शेयर कारोबार भएको छ ।
त्यस्तै, आज नेपाल बैंकको ६४ करोड ७० लाख रुपैयाँको शेयर कारोबार भएको छ । हाइड्रो इलेक्ट्रीसिटी इन्भेष्टमेन्ट कम्पनीको ५४ करोड ८४ लाख रुपैयाँको शेयर कारोबार भएको छ । नाङदी ग्रुपको ४८ करोड ४८ लाख रुपैयाँको शेयर कारोबार भएको छ । अपि पावर कम्पनीको ४७ करोड ९७ लाख रुपैयाँको शेयर कारोबार भएको छ ।
आज सात वटा कम्पनीको शेयर मुल्यमा सकारात्मक सर्किट लागेको छ । आज नेशनल हाइड्रोपावर कम्पनी, कर्पोरेट डेभलपमेन्ट बैंक, रिडी हाइड्रोपावर कम्पनी, खानीखोला हाइड्रोपावर कम्पनी र जीवन विकास लघुवित्तका लगानीकर्ताले १० प्रतिशतका दरले कमाएका छन् ।
आज आइसीएफसी फाइनान्स कम्पनीका लगानीकर्ताले सबैभन्दा धेरै प्रतिशतका दरले गुमाएका छन् । कम्पनीका लगानीकर्ताले ६ दशमलव २७ प्रतिशतका दरले गुमाएका छन् । माउन्टेन इनर्जीका लगानीकर्ताले ५ प्रतिशतभन्दा बढीका दरले गुमाएका छन् ।
