काठमाडौं । ङादी ग्रुप पावर लिमिटेडले लाभांश प्रस्ताव गरेको छ । कम्पनीले गत आर्थिक वर्ष २०७७/७८ को सञ्चित मुनाफाबाट २० प्रतिशत बोनश शेयर र कर प्रयोजनका लागि १ दशमलव शून्य ५ प्रतिशत नगद लाभांश वितरण गर्ने निर्णय गरेको हो । कम्पनीको साउन ३१ गतेको सञ्चालन समितिको बैठकले उक्त लाभांश दिने घोषणा गरेको हो ।
कम्पनीले बोनस पछि कायम चुक्तापूँजीको आधारमा २०० प्रतिशत हकप्रद शेयर वितरण गर्ने निर्णय समेत गरेको छ । प्रस्तावित लाभांश कम्पनीको आगामी साधारण सभाले पारित गरेपछि वितरण हुनेछ ।
कम्पनीको हकप्रद शेयर निष्काशनका लागि आगामी वार्षिक साधारण सभाले पारित गरेपछि र नियामक निकायले स्वीकृति दिएपछि मात्र सार्वजनिक निष्काशन हुनेछ ।
