काठमाडौं । सानिमा माई हाइड्रोपावर कम्पनीले गत आर्थिक वर्षको चौथो त्रैमाससम्मको वित्तीय विवरण सार्वजनिक गरेको छ । गत आर्थिक वर्षको चौथो त्रैमाससम्म आइपुग्दा कम्पनीले ४० करोडभन्दा धेरै नाफा आर्जन गर्न सफल भएको छ । यस अवधिसम्म आइपुग्दा कम्पनीले ४० करोड ६८ लाख ९८ हजार रुपैयाँ बराबरको नाफा आर्जन गरेको छ । अघिल्लो वर्षको सोही अवधिको तुलनामा कम्पनीको नाफा १० दशमलव ९१ प्रतिशतले धेरै हो । कम्पनीले अघिल्लो वर्षको सोहि अवधिमा ३६ करोड ६८ लाख ३९ हजार रुपैयाँ खुद नाफा कमाएको थियो ।
समिक्षा अवधिमा कम्पनीको विद्युत बिक्रीबाट हुने आम्दानीमा भने घटेको छ । यस अवधिमा कम्पनीको विद्युत बिक्रीबाट हुने आम्दानीबाट ८५ करोड ३ लाख ९ हजार रुपैयाँ रहेकोे छ । अघिल्लो आर्थिक वर्षको सोहि अवधिमा कम्पनीले विद्युत बिक्रीबाट ८६ करोड ७ लाख ८४ हजार रुपैयाँ आम्दानी गरेको थियो । अघिल्लो आर्थिक वर्षको सोही अवधिको तुलनामा कम्पनीको विद्युत बिक्रीबाट हुने आम्दानीमा १ दशलमव २१ प्रतिशतले गिरावट आएको हो ।
कम्पनीको चुक्ता पुँजी २ अर्ब ८० करोड ८४ लाख १० हजार रुपैयाँ रहेका छ । कम्पनीले सो अवधिमा अन्य स्रोतबाट १ लाख ४२ हजार रुपैयाँमा आम्दानी गरेको छ । कम्पनीले अघिल्लो वर्ष ११ लाख १२ हजार रुपैयाँ आम्दानी गरेको थियो ।
समिक्षा अवधिमा कम्पनीको प्रतिशेयर आम्दानी १४ रुपैयाँ ४९ पैसा रहेको छ भने प्रतिशेयर नेटवर्थ १ सय २४ रुपैयाँ छ ।
