काठमाडौं । मुलुकभर पछिल्लो २४ घण्टामा ३ हजार ४८१ जनामा कोरोना संक्रमण पुष्टि भएको छ । स्वास्थ्य मन्त्रालयका अनुसार पछिल्लो २४ घण्टामा १६ हजार ६५६ जनाको आरटी–पीसीआर र एन्टिजेन विधिबाट परीक्षण गर्दा ३ हजार ४८१ जनामा कोरोना संक्रमण पुष्टि भएको हो ।
यससँगै नेपालमा कोरोना भाइरस संक्रमितको कुल संख्या ७ लाख ९५ हजार ३९१ पुगेको छ । पछिल्लो २४ घण्टामा देशभर १ हजार ८८५ जना निको भएर घर फर्किएका छन् । योसँगै नेपालमा कोरोना संक्रमणमुक्त हुनेहरुको संख्या ६ लाख ७५ हजार ८३ पुगेको छ ।
पछिल्लो २४ घण्टामा थप ३० संक्रमितको मृत्यु भएको छ ।
