काठमाडौं । सबैको लघुवित्त वित्तीय संस्था लिमिटेडले गत आर्थिक वर्षको चौथो त्रैमाससम्म ११ करोड ४३ लाख १६ हजार खुद नाफा गरेको छ । सार्वजनिक कम्पनीको वित्तीय विवरण अनुसार गत वर्षको सोही अवधिको तुलनामा कम्पनकिो नाफा २३२ प्रतिशतले बृद्धि भएको हो । अघिल्लाको सोही अवधिसम्म कम्पनीले ३ करोड ४४ लाख ४६ हजार मात्र खुद नाफा गरेको थियो ।
समिक्षा अवधिमा कम्पनीको खुद ब्याज आम्दानी अघिल्लो आथिृक वर्षको तुलनामा ४९ प्रतिशत बढेको छ । अघिल्लो आथिृक वर्षको सोही अवधिमा कम्पनीको खुद ब्याज आम्दानी १५ करोड ९४ लाख ८९ हजार गरेको थियो । गत वर्षको समिक्षा अवधिमा कम्पनीले २३ करोड ७६ लाख ५ हजार रुपैयाँ खुद ब्याज आम्दानी गरेको छ । समिक्षा अवधिमा कम्पनीको सञ्चालन मुनाफा १७६ दशमलव ६२ प्रतिशत वृद्धि भएको छ ।
समिक्षा अवधिमा कम्पनीको चुक्ता पूँजी २० करोड ६० लाख २७ हजार रुपैयाँ रहेको कम्पनीको जगेडा कोष १९५ दशमलव ९६ प्रतिशत वृद्धि भएको छ । अघिल्लो वर्ष ४ करोड ३२ लाख ५० हजार रुपैयाँ जगेडा कोष संचीति रहेको थियो भने समिक्षा अवधिमा १२ करोड ८० लाख ४ हजार रुपैयाँ संचिती रहेको छ ।
यस अवधिमा कम्पनीले करिब ६५ प्रतिशत बढी २ अर्ब ४० करोड ७५ लाख ९९ हजार विभिन्न बैंक तथा वित्तीय संस्थासँग कर्जा सापटी लिएको छ भने ७४ प्रतिशत बढी ३ अर्ब ४३ करोड ७४ लाख ८७ हजार कर्जा लगानी गरेको छ । यस अवधिमा कम्पनीले ९० करोड २८ लाख ७२ हजार निक्षेप संकलन गरेको छ ।
निष्क्रिय कर्जा १ दशमलव ६१ प्रतिशतदेखि बढेर २ दशमलव २५ प्रतिशत कायम भएको छ । कम्पनीको प्रतिशेयर आम्दानी वार्षिक ५५ रुपैयाँ ४९ पैसा र प्रतिशेयर नेटवर्थ १६२ रुपैयाँ १३ रहेको छ
