काठमाडौं । ज्योति विकास बैंकको ऋणपत्र बाँडफाँड भएको छ । बैंकले असार २० गतेदेखि ३१ गतेसम्म १ हजार प्रति ऋणपत्रका दरले १५ लाख कित्ताले हुन आउने १ अर्ब ५० करोड बराबरको ऋणपत्र निष्काशन तथा विक्री खुला गरेको थियो । उक्त ऋणपत्र शुक्रवार बाँडफाँड गरिएको हो ।
कम्पनीले ९ प्रतशित व्याजदरमा १० वर्षे ऋणपत्र निष्काशन तथा विक्री खुला गरेको हो । रितपूर्वक ऋणपत्रका लागि प्राप्त आवेदनहरु प्रशोधन सर्वसाधारणलाई माग बमोजिम र व्यक्तिगत तवरमार्फतका लागि प्राप्त आवेदनको हकमा आंशिक रुपमा कम्पनीले ऋणपत्र बाँडफाँड गरेको जनाएको छ ।
बैंकले कुल १५ लाख कित्तामध्ये ९ लाख कित्ता ऋणपत्र बैंकले व्यक्तिगत तवरबाट विक्री गरेको भने बाँकी ६ लाख कित्तामा ५ प्रतिशत सामुहिक लगानी कोषको लागि सुरक्षित गरी ५ लाख ७० हजार कित्ता सार्वजनिक निष्काशनमार्फत विक्री गरेको थियो ।
ऋणपत्र निष्काशन तथा विक्री प्रवन्धकमा एनआईबिएल एस क्यापिटल लिमिटेड रहेको छ ।
