काठमाडौं । मनकामना स्मार्ट लघुवित्तको आईपिओ बाँडफाँड सम्पन्न भएको छ । मनकामना स्मार्ट लघुवित्तको पहिलो शेयर कारोबारका लागि न्युनतम प्रतिकित्ता ११० रुपैयाँ ८४ पैसा र अधिकतम ३३२ रुपैयाँ ५२ पैसा सम्म रेञ्ज पाउने सम्भावना छ । पहिलो कारोवारको लागि कम्पनीले किताबी मूल्य देखि किताबी मूल्यको तीन गुणासम्म रेञ्ज पाउने गर्छन । स्पेसल प्री ओपनिङ सेसनमा सो रेञ्ज भित्र कारोवार हुनु पर्छ।
आज भएको बाँडफाँडमा गोलाप्रभाबाट ३६ हजार ३४९ जनाले १०/१० कित्ता शेयर प्राप्त गरेका छन् । जस मध्ये दुई भाग्यशालीले थप एक/एक प्राप्त गरेका छन् । संस्थाले असार १७ गतेदेखि २१ गतेसम्म सर्वसाधारणका लागि प्राथमिक शेयर जारी गरेको थियो । उक्त शेयरका लागि १९ लाख ५१ हजार ५२१ जनाले रितपुर्वक आवेदन दिएका थिए । रित पुर्वक आवेदन दिने मध्ये १९ लाख १५ हजारको हात खालि भएको हो ।
