काठमाडौं । पछिल्लो २४ घण्टामा थप २ हजार २३९ जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार ११ हजार ३१३ जनाको आरटी पीसीआर र एन्टिजेन विधिबाट परीक्षण गर्दा २ हजार २३९ जनामा कोरोना पुष्टि भएको हो ।
६ हजार ६५७ जनाको आरटी पीसीआर विधिबाट परीक्षण गर्दा १ हजार ४७९ जना र ४ हजार ६५६ जनाको एन्टिजेन विधिबाट परीक्षण गर्दा ७६० जनामा कोरोना पुष्टि भएको मन्त्रालयले जनाएको छ ।
पछिल्लो २४ घण्टामा १ हजार ३१६ जना संक्रमितहरु निको भएर घर फर्किएका छन् भने २० जनाको कोरोना संक्रमणको कारण मृत्यु भएको मन्त्रालयले बताएको छ ।
