काठमाडौं । एनआईसी एशिया बैंकको स्वामित्वमा रहेका पाँच कम्पनीको लिलामी शेयरमा आवेदन दिने आज अन्तिम दिन रहेको छ । उक्त कम्पनीको शेयरमा आज बैकिङ समयसम्म आवेदन दिन सकिनेछ ।
बैंकले आरएमडिसी लघुवित्त वित्तीय संस्था, मेरो माइक्रोफाइनान्स,मुहली लघुवित्त वित्तीय संस्था, महुली लघुवित्त, नेशनल लाईफ इन्स्योरेन्स र नागरिक लगानी कोषको संस्थापक शेयर असार १५ गतेदेखि लिलामीमा ल्याएको हो ।
कम्पनीले आरएमडिसी लघुवित्तको ३ लाख ८४ हजार ९९५ कित्ता,मेरो माइक्रोफाइनान्सको ५८ हजार ५६८, महुली लघुवित्तको ५५ हजार ७० कित्ता,नेशनल लाईफ इन्स्योरेन्सको २९ हजार ९९६ कित्ता र नागरिक लगानी कोषको ३ लाख ५० हजार ३६९ कित्ता संस्थापक शेयर लिलामीमा ल्याएको हो ।
आरएमडिसी लघुवित्तको न्यूनतम मूल्य प्रतिकित्ता ४४१ रुपैयाँ, मेरो माइक्रोफाइनान्सको ५३१ रुपैयाँ,महुली लघुवित्तको ७३०रुपैयाँ, नागरिक लगानी कोषको १ हजार २०० रुपैयाँ र नेशनल लाईफ इन्स्योरेन्सको ४१०रुपैयाँ तोकिएको हुँदा सो वा सोभन्दा बढी मूल्य अंकित गरी बोलपत्र पेश गर्नुपर्नेछ ।
पाँच वटै कम्पनीको शेयरमा बोलपत्र पेश गर्दा न्यूनतम १०० कित्ता र अधिकतम सम्पूर्ण कित्ताका लागि आवेदन दिन पाउने कम्पनीले बताएको छ । विक्री प्रबन्धकमा एनआईसी एशिया क्यापिटल लिमिटेड रहेको छ ।
