काठमाडौं । सांग्रिला डेभलपमेण्ट बैंकको ऋणपत्रमा आवेदन दिने समय थप भएको छ । बैंकले असार ६ गतेदेखि निष्काशन तथा बिक्री खुल्ला गरेको ७५ करोड रुपैयाँ बराबरको ऋणपत्रमा आवेदन दिने म्याद थप गरिएको हो । उक्त ऋणपत्रमा आवेदन दिने म्याद आजसम्म रहेकोमा ऋणपत्रमा पूर्ण आवेदन नपरेपछि ढिलो अवधि असार २० गतेसम्म बिक्री खुल्ला गरिएको कम्पनीले जनाएको छ ।
बैंकले प्रतिइकाई १ हजार रुपैयाँको दरमा ७५ करोड रुपैयाँ बराबरको ७ लाख ५० हजार कित्ता ऋणपत्र निष्काशन गरेको हो । जसमध्ये ४ लाख ५० हजार कित्ता बैंकले व्यक्तिगत तबरबाट बिक्री गर्नेछ भने बाँकी ३ लाख कित्ता ९मध्ये ५५ इकाई ऋणपत्र सामूहिक लगानी कोषका लागि समेत बाँडफाँड गरिएको समेत सर्वसाधारणका लागि बिक्री गरिने छ ।
बैंकले १० वर्ष अवधिको ‘सांग्रिला डेभलपमेन्ट बैंक डिबेन्चर २०८७’ जारी गर्न लागेको हो । यसमा वार्षिक ९ प्रतिशत ब्याजदर रहनेछ । बिक्री प्रबन्धकको काम एनआईबीएल एस क्यापिटलले गर्नेछ ।
उक्त ऋणपत्रमा लगानीकर्ताले न्यूनतम २५ कित्तादेखि अधिकतम ३ लाख कित्तासम्म आवेदन दिन सक्नेछन् । बैंकलाई इक्रा नेपालले ‘इक्रा एनपी आइ आर डबल बि पल्स १’ रेटिङ दिएको छ ।
उक्त ऋणपत्रमा सी–आस्वा सदस्य बैंक तथा वित्तीय संस्था र मेरो सेयर सफ्टवेयरमार्फत अनलाइनबाट पनि आवेदन दिन सकिनेछ ।
