काठमाडौं । एशियन लाइफ इन्स्योरेन्स कम्पनीले आजदेखि १ लाख ६६ हजार ७५७ कित्ता संस्थापक शेयर लिलामीमा विक्री खुला गर्ने भएको छ । कम्पनीले महालक्ष्मी विकास बैंकको स्वामित्वमा रहेको संस्थापक शेयर लिलामीमा विक्री गर्न लागेको हो ।
उक्त शेयरको न्यूनतम मूल्य ६२८ रुपैयाँ तोकिएको छ । आवेदकले तोकिएको मूल्य वा सोभन्दा बढी मूल्य अंकित गरी बोलकबोल गर्नु पर्ने हुन्छ । शेयर खरीदका लागि बोलकबोल गर्दा न्यूनतम १०० कित्तादेखि अधिकतम सम्पूर्ण कित्तासम्म माग गर्न सकिने व्यवस्था छ ।
उक्त शेयर खरीद गर्न ईच्छुक विद्यमान संस्थापक वा व्यक्ति, कम्पनी तथा संस्थाले असार ९ गतेसम्म बोलपत्र पेश गर्न सक्नेछन् । कम्पनीको शेयर विक्री प्रबन्धकमा सिद्धार्थ क्यापिटल लिमिटेड रहेको छ ।
बोलपत्र असार १० गते अपरान्ह ३ बजे सिद्धार्थ क्यापिटल लिमिटेड, नारायणचौर, नक्सालमा बोलपत्रवाला वा निजको प्रतिनिधिको उपस्थितिमा खाल्ने कम्पनीले जनाएको छ ।
