काठमाडौं । बीमा समितिले विदेशी पुनर्बीमा दलाललाई नेपालमा शाखा खोल्ने बाटो खोलिदिएको छ । समितिले पुनर्बीमा दलाल (ब्रोकर) सम्बन्धी निर्देशिका २०७८ जारी गर्दै उनिहरुलाई नेपालमा शाखा खोल्ने तथा नेपाली ब्रोकर कम्पनीमा लगानी गर्न पाउने व्यवस्था गरिदिएको हो ।
नेपाली बीमक/पुनर्बीमक तथा अन्तर्राष्ट्रिय बीमक तथा पुनर्बीमकहरुको पुनर्बीमा व्यवसाय सम्बन्धी कारोबार गर्न इच्छुक विदेशी पुनर्बीमा दलालले सम्पर्क कार्यालय वा शाखा खोल्ने इजाजतको लागि बीमा समितिमा निवेदन दिनु पर्ने छ । बीमा समितिले मापदण्ड पुरा गरेका त्यस्ता संस्थालाई सम्पुर्क वा शाखा कार्यलाय खोल्न इजाजत दिने छ ।
बीमा समितिले आव्यक कागजपत्र हेरेर शाखा कार्यालय खोल्नका लागि आशयपत्र दिने छ । आशयपत्र प्राप्त भए पछि ब्रोकिङ कार्य गर्नु अघि उनिहरुले नेपालको ‘क’ वर्गका बाणिज्य बैंकहरुमा सेक्युरिटि डिपोजिट बापत ५० हजार अमेरिकी डलर जम्मा गर्नु पर्नेछ । हालको अमेरिकी डलरको विनिमयदर अनुसार उनिहरुले ५८ लाख रुपैयाँ जम्ममा गर्नु पर्ने हुन्छ ।
नेपाली पुनर्बीमा दाललसँग संयुक्त रुपमा नेपालमा पुनर्बीमा दलल संगठित संस्था खोल्न इच्छुक विदेशी पुनर्बीमा दलालले ५५ प्रतिशतसम्म शेयर हिस्सा राख्न सक्नेछन् । पुनर्बीमा दाललको कार्यालयमा एक जना मुख्य व्यवस्थापक वा प्रमुख कार्यकारी अधिकृत तथा उच्च अधिकृतको अलावा आवश्यकता अनुसार एक जना सूचना प्रविधि विज्ञ विदेशी नागरिक राख्न सकिने व्यवस्था गरिएको छ । र अन्य कर्मचारीहरुको हकमा नेपाली नागरिक नागरिक नियुक्त गर्नु पर्ने व्यवस्था गरिएको छ ।
रि-इन्स्योरेन्स ब्रोकर नहुँदा नेपाल पुनर्बीमा कम्पनीले समस्या भोग्दै आइरहेको छ । समितिले हिमालयन रि-इन्स्योरेन्स कम्पनीलाई नयाँ लाइसेन्स दिएसँगै पुनर्बीमा ब्रोकरका लागि पनि नीतिगत व्यवस्था गरिदिएको हो ।
