काठमाडौँ । पछिल्लो २४ घण्टामा देशभर थप ६ हजार ८५ जनामा कोरोना भाइरसको संक्रमण पुष्टि भएको छ। स्वास्थ्य मन्त्रालयका अनुसार १७ हजार १४७ पीसीआर परीक्षण गर्दा ५ हजार २ सय ८५ र ३ हजार १८ एन्टिजेन परीक्षण गर्दा ८०० जनामा संक्रमण पुष्टि भएको हो।
मंगलबार देशभर ६८ जना कोरोना संक्रमितको मृत्यु भएको छ। यससँगै हालसम्म देशभर कोरोनाबाट मृत्यु हुनेको संख्या ७ हजार ४ सय ५४ पुगेको छ।
यसैगरी मंगलबार ६ हजार ८ सय ९८ जना संक्रमणमुक्त भएर डिस्चार्ज भएका छन्।
