काठमाडौं । प्रभु सेलेक्ट फण्डमा माग भन्दा करिव २ गुणा बढिको आवेदन परे पछि पहिलो चरणमै सार्वजनिक निष्काशन बन्द गरिएको छ । फण्डले जेष्ठ ५ गतेबाट सार्वजनिक निष्काशन गरेकोमा दोस्रो दिनमै ओभर सब्सक्राइब भएको थियो ।
फण्डमा आवेदन दिने आज चौथो दिनमा १९ करोड ७८ लाख ५८ हजार २ सय ८० इकाईका लागि आवेदन परेको छ । ८५ हजार ५ सय ५४ जना सर्वसाधारण लगानीकर्ताहरुबाट १ अर्ब ८२ करोड ८५ लाख ८२ हजार ८ सय रकम बराबरको १८ करोड २८ लाख ५८ हजार २ सय ८० इकाई खरिदका लागि आवेदन परेको हो ।
प्रभु क्यापिटलले जेष्ठ ५ गतेदेखि प्रति इकाई १० रुपैयाँ अंकित दरमा १ अर्ब बारबरको १० करोड इकाई म्युचुअल फण्ड बिक्रीमा ल्याएको हो । यो फण्डले १५ प्रतिशत इकाईमध्ये कोष प्रवर्द्धक प्रभु बैंक लिमिटेडलाई १४ करोड रुपैयाँ लगानी वापत १ करोड ४० लाख इकाई र कोष व्यवस्थापक प्रभु क्यापिटललाई रु. १ करोड लगानी वापत १० लाख इकाई सुरक्षित गरी बाँकी रहेको ८ करोड ५० लाख इकाई सर्वसाधारणलाई बिक्री खुला गरिएको थियो ।
