काठमाडौं । सिईडिबि हाईड्रोपावर डेभलपमेन्ट कम्पनीले निष्काशन गरेको प्राथमिक शेयरमा माग भन्दा बढि आवेदन परेसँगै आजदेखि निष्काशन बन्द गर्ने भएको छ । कम्पनीले बैशाख १७ गतेदेखि सर्वसाधारणका लागि २३ लाख ४१ हजार ९५४ कित्ता शेयर निष्काशन तथा बिक्री खुला गरेको हो ।
कम्पनीले सर्वसाधारण समुहको २५ लाख १८ हजार २३० कित्ता मध्ये ५० हजार ३६५ कित्ता कर्मचारी र एक लाख २५ हजार ९११ कित्ता सामुहिक लगानीकोषका लागि बाँडफाँड गरिसकेको छ ।
सर्वसाधारण लगानीकर्ताले सि आस्वा सुविधा प्रदान गर्ने सम्पुर्ण बैंक तथा वित्तीय संस्थाहरुबाट आवेदन दिन सक्ने छन् । साथै मेरो शेयरको अनलाइन एप्लिकेसनबाट सिधै अनलाइनबाट आवेदन दिन सक्ने छन् ।
कम्पनीको प्राथमिक शेयरमा हालसम्म १५ लाख भन्दा धेरै आवेदकले दुई करोड ३० लाख कित्ता भन्दा धेरैको लागि आवदेन दिइसकेका छन् । हालसम्मको आवदेन अनुसार ९.८ गुणा बढि आवदेन परिसकेकोले बाँकी लगानीकर्ताले १० कित्ता भन्दा धेरैको लागि आवदेन दिनु पर्दैन ।
