काठमाडौं । प्रिमियर इन्स्योरेन्स कम्पनीले चालु आर्थिक वर्षको तेस्रो त्रैमासको अपरिष्कृत वित्तीय विवरण सार्वजनिक गरेको छ । यस अवधिसम्ममा कम्पनीको खुद दाबी भुक्तानीमा गिरावट देखिएको छ ।
चालु आर्थिक वर्षको चैत मसान्तसम्ममा कम्पनीले ५९ करोड ८२ हजार रुपैयाँ खुद बीमा शुल्क आर्जन गरेको छ । गत आर्थिक वर्षको सोही अवधिसम्ममा कम्पनीले ५२ करोड ९६ लाख रुपैयाँ खुद बीमा शुल्क आर्जन गरेको थियो । कम्पनीले यस्तो आर्जन ११ प्रतिशतले बृद्धि गर्न सफल भएको छ ।
१ अर्ब ७ करोड रुपैयाँ चुक्ता पूँजी रहेको कम्पनीको जगेडा कोषमा ३३ करोड ३९ लाख रुपैयाँ संचिती रहेको छ । बीमा कोषमा ८१ करोड ५ लाख रुपैयाँ रहेको छ । महाविपत्ती कोषमा ३ करोड ९९ लाख रुपैयाँ सञ्चित रहेको छ ।
समिक्षा अवधिमा कम्पनीले २८ करोड ९६ लाख रुपैयाँ खुद नाफा आर्जन गरेको छ । गत आर्थिक वर्षको सोही अवधिको तुलनामा कम्पनीको नाफा ५२ प्रतिशतले बढी हो । गत आर्थिक वर्षको सोही अवधिसम्ममा कम्पनीले १९ करोड ४ लाख रुपैयाँ खुद नाफा आर्जन गरेको थियो ।
यस अवधिसम्ममा कम्पनीले २७ करोड ८ लाख रुपैयाँ खुद दाबी भुक्तानी गरेको छ । गत आर्थिक वर्षको सोही अवधिमा कम्पनीले ३६ करोड ६४ लाख रुपैयाँ खुद दाबी भुक्तानी गरेको थियो । गत आर्थिक वर्षको सोही अवधिको तुलानामा कम्पनीको खुद दाबी भुक्तानी घटेको छ । गत आर्थिक वर्षको सोही अवधिको तुलनामा कम्पनीको खुद दाबी भुक्तानी २६ प्रतिशतले कमी हो ।
यस अवधिसम्ममा कम्पनीको प्रतिशेयर आम्दानी ३५ रुपैयाँ ९४ पैसा रहेको छ । प्रतिशेयर नेटवर्थ २ सय १० रुपैयाँ २२ पैसा रहेको छ । मुल्य आम्दानी अनुपात ३५.८१ गुणा रहेको छ ।
