काठमाडौं । मिथिला लघुवित्त वित्तीय संस्थाले चालु आर्थिक वर्षको तेस्रो त्रैमाससम्मको वित्तीय विवरण सार्वजनिक गरेको छ । चालु आर्थिक वर्षको तेस्रो त्रैमाससम्म आइपुग्दा संस्थाले ५ करोड ११ लाख रुपैयाँ खुद नाफा आर्जन गर्न सफल भएको छ । गत वर्षको सोही अवधिको तुलनामा संस्थाको नाफा ३३ दशमलव ८५ प्रतिशतले बढी हो । गत आर्थिक वर्ष संस्थाले १ करोड ५३ लाख रुपैयाँ मात्र नाफा कमाएको थियो ।
हाल संस्थाको चुक्ता पुँजी १२ करोड १७ लाख रुपैयाँ रहेको छ, भने जगेडा कोषमा १३ करोड १७ लाख रुपैयाँ रहेको छ ।
कम्पनीको खुद ब्याज आम्दानी ६९ दशमलव ०८ प्रतिशतले बढेर ८ करोड ४६ लाख पुगेको छ । गत वर्षको सोहि अवधिमा संस्थाले खुद ब्याज आम्दानी ५ करोड रुपैयाँ गरेको थियो ।
यस अवधिसम्म आइपुग्दा संस्थाले ६ करोड ६७ लाख सञ्चालन नाफा कमाएको छ । गत वर्षको सोहि अवधिको तुलनामा संस्थाको संचालन मुनाफा १८७ दशमलव ८४ प्रतिशतले धेरै हो । गत वर्ष संस्थाको संचालन मुनाफा नाफा २ करोड ३१ लाख रुपैयाँ गरेको थियोे ।
यस अवधिसम्म संस्थाको प्रतिशेयर आम्दानी ५६ रुपैयाँ ०६ पैसा र प्रतिशेयर नेटवर्थ २०८ रुपैयाँ २४ पैसा रहेको छ ।
