काठमाडौं । नेपालमा पछिल्लो समय कोरोना संक्रमण उच्च रुपमा फैलिरहेको अवस्था छ । जसले गर्दा स्वास्थ्य प्रणालीले थेग्ने नसक्ने गरी कोरोना संक्रमण बढेकाले अस्पतालमा शय्या उपलब्ध गराउन नसक्ने अवस्था रहेको स्वास्थ्य तथा जनसंख्या मन्त्रालयले जनाएको छ ।
मन्त्रालयले आज अपील जारी गर्दै मोरङ, सुनसरी, झापा, पर्सा, बारा, धनुषा, काठमाडौं, भक्तपुर, ललितपुर, चितवन, मकवानपुर, काभ्रे, कास्की, दाङ, बाँके, रुपन्देही, पाल्पा, बर्दिया, कपिलवस्तु, सुर्खेत, कैलाली र कञ्चनपुरमा कोरोना संक्रमण डरलाग्दो गरी फैलिरहेको अवस्था भएकाले संवेदनशील हुन आग्रह गरेको छ ।
मन्त्रालयले जनस्वास्थ्यका मापदण्डहरु पालना गर्न विदेश जाने र आउने, आन्तिरिक पर्यटकको लागि कही कतै जाने काम भएमा पुर्ण रुपमा बन्द गर्नुपर्ने र सबै मानिसहरुलाई संवेदनशील बन्न अपील गरेको छ ।
