काठमाडौं । नेरुडे लघुवित्त वित्तीय संस्था लिमिटेडले चालु आर्थिक वर्षको तेस्रो त्रैमासको वित्तीय विवरण प्रकाशन गरेको छ । चालु आर्थिक वर्षको तेस्रो त्रैमाससम्म संस्थाको खुद नाफा २०८ दशमलव ८३ प्रतिशतले बढेको छ । यस त्रैमाससम्ममा संस्थाले १५ करोड ३३ लाख ३९ हजार रुपैयाँ खुद नाफा आर्जन गरेको छ । अघिल्लो आर्थिक वर्षको सोहि अवधिमा संस्थाको ४ करोड ९६ लाख ५२ हजार रुपैयाँमा नाफा कमाएको थियो ।
चुक्ता पुँजी ४९ करोड ३८ लाख ७७ हजार रुपैयाँ रहेको छ । समिक्षा अवधिसम्म संस्थाको सञ्चालन नाफा २४ करोड ३३ लाख ९६ हजार रुपैयाँ रहेको छ । अघिल्लो बर्षको तुलनामा संस्थाको संचालन मुनाफा २०८ दशमलव ८३ प्रतिशतले बढी हो । अघिल्लो वर्षको सोहि अवधिसम्म संस्थाले ७ करोड ८८ लाख १३ हजार रुपैयाँ सञ्चालन नाफा कमाएको थियो ।
समिक्षा अवधिसम्ममा संस्थाको खुद ब्याज आम्दानी ४० करोड ५६ लाख २५ हजार रुपैयाँ रहेको छ । अघिल्लो वर्षको सोहि अवधिसम्ममा संस्थाले २५ करोड ६२ लाख १८ हजार रुपैयाँ खुद ब्याज आम्दानी गरेको थियो ।
यस अवधिसम्म संस्थाको प्रतिसेयर आम्दानी ४१ रुपैयाँ ४० पैसा र प्रतिसेयर नेटवर्थ २१९ रुपैयाँ ६४ पैसा रहेको छ ।
