काठमाडौं । कोभिड १९ को रोकथाम तथा नियन्त्रणका लागि स्थानीय प्रशासनले लकडाउन तथा निषेधाज्ञा गरिरहेका छन् । यसै क्रममा केहि समयदेखि शेयर बजार प्रभावित भैरहेको छ । बुधबार पनि नेप्से सूचक १३ दशमलब ७९ अंकले घटेको छ । मंगलबार ९२ अंकले बढेको शेयर बजार बुधबार भने सुधार हुन सकेन ।
सूचकमा गिरावट सँगै कारोबार रकम पनि तीन अर्ब ९७ करोड रुपैयाँमा खुम्चिएको छ । कोभिड १९ को अहिलेको महामारी नियन्त्रण हुन अझै केहि महिना लाग्ने स्वास्थ्य विदहरु बताउछन् । कोभिड १९ को महामारी अझै भयावह हुने अवस्था आयो भने शेयर बजार राज्यको दोस्रो प्राथमिकतामा पर्छ । अहिलेको अन्योलताले गर्दा शेयर बजार सुधार हुन सकेको छैन । आजको कारोबारले पनि दोस्रो बजारमा लगानीकर्ता त्रसिद भएको संकेत गर्छ ।
बुधबार व्यापार, उत्पादन तथा प्रसोधन र अन्य सूचक केहि सुधार देखिएको छ भने बाँकी सूचक तथा उपसूचक घटेका छन् । दोस्रो बजारमा २१५ वटा कम्पनीको शेयर कारोबार हुँदा ३५ वटाको मूल्य बढेको छ भने १४१ वटाको मूल्य घटेको छ । विशाल बजार र महिला लघुवित्त वित्तीय संस्थाको शेयर मूल्य अधिकतम बढ्ने क्रममा सर्किट लागेको छ । सबैभन्दा धेरै प्रोग्रेसिभ फाइनान्सका शेयरधनीले गुमाएका छन् । बुधबार सबैभन्दा धेरै एनसिसी बैंकको २८ करोड २८ लाख रुपैयाँको खरिद बिक्री भएको छ ।
