काठमाडौं । एनएमबि बैंकले चालु आर्थिक वर्षको तेस्रो त्रैमासमा ८८ ले खुद नाफा बढाएको छ। बैंकले यस त्रैमाससम्ममा आफनो नाफा ८८ प्रतिशतले बढाएर २ अर्ब ५१ करोड रुपैयाँ पुराएको छ । बैंकले गत वर्षको यसै अवधिमा भने १ अर्ब ३३ करोड ९९ लाख रुपैयाँ खुद नाफा गरेको थियो ।
यस त्रैमासको अवधिसम्ममा बैंकको वितरण योग्य नाफा २ अर्ब २७ करो रुपैयाँ छ भने खुद ब्याज आम्दानी ० दशमलव ३१ प्रतिशतले मात्र बढेको छ । सञ्चालन नाफा भने ८८ प्रतिशतले वबढेर ३ अर्ब ६१ करोड ७६ लाख रुपैयाँ पुगेको छ ।
बैंकको हालको चुक्ता पुँजीको १६ अर्ब ३२ करोड भन्दा माथि रहेको छ। बैंकको प्रतिशेयर आम्दानी पनि ८ रुपैयाँ ९७ पैसाले बढेको छ भने प्रतिसेयर नेटवर्थ १४५ रुपैयाँ ३२ पैसा रहेको छ ।
