काठमाडौं । एनआईसी एशिया क्यापिटल र आइएमई पे बीच सम्झौता भएको छ । डिम्याट खाता र मेरो शेयरसँग सम्बन्धित कारोबारलाई अझ सहज र आम पहुँचसम्म पुराउनको लागि दुई संस्थाबीच सम्झौता भएको क्यापिटलले जनाएको छ ।
उक्त सम्झौता अनुसार डिम्याट खाता र मेरो शेयरको नविकरण गर्न एनआईसी एशिया क्यापिटलको सेवाका लागि आइएमई पे एप र आइएमई पेको देशभरि छरिएर रहेका ३५ हजारभन्दा बढी एजेन्ट मार्फत सजिलै भुक्तानी गर्न सकिने छ ।
सम्झौतापत्रमा क्यापिटलका सिईओ रामेन्द्र रायमाझीले आइएमई पे, एनआईसी एशिया क्यापिटलको भुक्तानी साझेदार भए पश्चात सेवाग्राहीहरूलाई डीम्याट खाता र मेरो शेयरसँग सम्बन्धित कारोबार गर्न सहज हुने बताए ।
त्यस्तै आईएमई पेका बजार प्रमुख गुण श्रेष्ठले नेपाल सरकारको डिजिटल अभियान अनुरुप डिजिटल अभियानलाई अगाडि बढाउन प्रतिवद्ध रहेको बताए ।
