काठमाडौं । नेपाल बैंकले चालु आर्थिक वर्षको तेस्रो त्रैमासिक अवधिमा दुई अर्ब २६ करोड रुपैयाँ मुनाफा आर्जन गरेको छ । बैंकले गत आर्थिक वर्षको यहि अवधिमा एक अर्ब ९९ करोड रुपैयाँ मुनाफा आर्जन गर्न सफल भएको थियो । नाफा गत वर्षको भन्दा १३.३१ प्रतिशतले बढेको छ ।
खुद व्याज आम्दानी पनि ११.७५ प्रतिशतले बढेको छ । बैंकले चैत मसान्तसम्ममा चार अर्ब ७१ करोड रुपैयाँ खुद व्याज आम्दानी आर्जन गरेको छ । गत वर्षको यहि अवधिमा चार अर्ब २१ करोड रुपैयाँ आर्जन गरेको थियो ।
चालु आर्थिक वर्षको ९ महिनाको अवधिमा बैंकले निक्षेप ७.१२ प्रतिशतले बृद्धि गर्दा कर्जा लगानी भने २३.८४ प्रतिशतले विस्तार गर्न सफल भएको छ । बैंकले यहि अवधिमा एक खर्ब ५१ अर्ब रुपैयाँ निक्षेप संकलन गरि एक खर्ब २७ अर्ब रुपैयाँ कर्जा लगानी गरेको छ ।
बैंकको खराव कर्जा सून्य दशमलब ३५ प्रतिशत विन्दुले घटेर २.२९ प्रतिशत छ । बैंकको तरलता अनुपात सिसिडी रेसियो ७५ प्रतिशत रहेको छ । कष्ट अफ फण्ड थप १.४९ प्रतिशतले घटेर ३.४२ प्रतिशतमा झरेको छ । स्प्रेडदर पनि थोरैले घटेर ४.३७ प्रतिशतमा झार्न सफल भएको छ । चुक्ता पूँजी १२ प्रतिशतले बढेकाले प्रतिशेयर आम्दानी भने स्थिर छ । प्रतिशेयर आम्दानी २३ रुपैयाँ छ ।
बैंकको त्रैमासिक वित्तीय विवरण
