काठमाडौं । एक्चुरीको आधारभूत शिक्षा प्रदान गर्ने गणित विज्ञान स्कुलले स्नातकोत्तर तहमा पनि भर्ना खुला गरेको छ । स्कुलले मास्टर्स इन डाटा साइन्ट ‘एमडिएस’मा नयाँ भर्ना खुला गरेको छ । स्नातक तहमा म्याथ पृष्ठभुमिका विद्यार्थीले आवेदन दिन सक्ने छन् । सिएसआइटीमा स्नातक गरेका, गणितमा स्नातक गरेका, इन्जिनियरिङमा कम्तिमा दोस्रो श्रेणीमा उत्तीर्ण गरेका विद्यार्थीले आवेदन दिन पाउने स्कुलले जनाएको छ ।
विद्यार्थीले बैशाख ९ गतेदेखि २८ गतेसम्म अनलाईन मार्फत आवदेन दिन सक्ने छन् । आवेदकले एसएलसी तहदेखि स्नातक तहसम्मका शैक्षिक प्रमाणपत्र पेश गर्नु पर्ने छ । परिक्षा शुल्क भने १५ सय रुपैयाँ भुक्तानी गर्नु पर्ने स्कुलले जनाएको छ ।
प्रवेश परिक्षा लिखित, अन्तर्वार्ता र शैक्षिक प्रमाणपत्रका आधारमा हुने छ। लिखित परिक्षा जेठ ८ गते हुनेछ । अन्तर्वार्ता र शैक्षिक योग्यताको मूल्याङ्कनका लागि भने पछि मात्रै सूचना जारी हुनेछ ।
