काठमाडौं । समता लघुवित्त वित्तीय संस्था र घरेलु लघुवित्त वित्तीय संस्थाको मर्जर पश्चात नाम परिवर्तन भई समता घरेलु लघुवित्त वित्तीय संस्थाको नामबाट एकिकृत कारोबार हुने भएको छ । आगामी बैशाख २ गतेदेखि एकिकृत कारोबार हुने संस्थाले जनाएको छ । संस्थाको केन्द्रिय कार्यालय भने काभ्रेपलाञ्चोक जिल्लाको बनेपा नगरपालिकामा रहने छ ।
दुबै संस्थाले गत पुस १४ गतेको साधारणसभाबाट एक आपसमा मर्जर हुने निर्णय गरेका थिए । साधारणसभाको उक्त प्रस्ताव नेपाल राष्ट्र बैंकले चैत १० गते अन्तिम स्वीकृति पत्र प्रदान गरेको थियो । एकिकृत कारोबार गर्नु भन्दा अगाडि डेटा माइग्रेसनको कामका लागि चैत ३१ गते सम्पुर्ण बैंकिङ कारोबार बन्द हुने भएको छ ।
समता र घरेलु विच स्वाप रेसियो १०० बराबर ८० को अनुपातमा सहमति भएको थियो । मर्जर पश्चात संस्थाको चुक्ता पूँजी २६ करोड १४ लाख रुपैयाँ कायम भएको छ । मर्जर अगाडि समताको चुक्ता पुँजी १९ करोड ११ लाख रुपैयाँ थियो भने घरेलुको ७ करोड तीन लाख रुपैयाँ थियो ।
