काठमाडौं । नयाँ पुनर्बीमा कम्पनीको सम्भाव्यता अध्ययन समितिले बुधबार प्रतिवेदन तयार पारेको छ । समितिले अध्ययन तयार पारेर पेश गरेको अध्यक्ष सूर्य प्रसाद सिलवालले जानकारी दिए । उनले भने ‘प्रतिवेदन तयार भएको छ । अव प्रतिवेदन अध्ययन गरेर समितिको बोर्डमा पेश गर्ने छौ ।’
समितिले उक्त प्रतिवदेन सार्वजनिक भने गर्न चाहेको छैन । अध्ययन प्रतिवेदन बीमा समितिको सम्पत्ती भएको र यो भोलिका दिनमा समितिले नियम कानुन तथा निर्देशन तयार पार्दा काम लाग्ने सिलवालले जानकारी दिए ।
बजारमा नयाँ पुनर्बीमा कम्पनी स्थापनाका लागि केहि समुहहरुले तयारी सुरु गरेपछि बीमा समितिले अध्ययन गराएको हो । अध्ययन समितिमा संयोजक बीमा विज्ञ भोजराज शर्मा, बीमक संघका अध्यक्ष दिप प्रकाश पाण्डे र चार्टर्ड एकाउन्टेन्ट सुजन आचार्य थिए ।
समितिले दुई हप्ता लगाएर अध्ययन गरेको हो । बीमा समितिमा अध्यक्ष सिलवाल आउनु भन्दा अगाडि नै केहि पुनर्बीमा कम्पनी स्थापनका लागि भन्दै दर्ता भएका थिए । पहिला नै दर्ता भएकाले नयाँ लाइसेन्स दिने या नदिने विषयमा सिलवालले अध्ययन गराएर मात्रै बाँकी प्रकृयाँ अगाडि बढाउन चाहेका हुन् ।
समितिमा अन्नपुर्ण, प्रुडेन्सियल र जेन्युन रि इन्स्योरेन्स कम्पनीको नाम दर्ता भएको छ भने पछिल्लो समय काठमाडौं रिइन्स्योरेन्सले पनि तयारी गरिरहेको छ ।
