काठमाडौं । साताको दोस्रो कारोबारको दिन नेप्से १८ दशमलव ०७ अंकले घटेर २३८९ दशमलव १९ को विन्दुमा कायम भएको छ । आज ट्रेडिङ, होटल ,टरिजम र उत्पादनमूलक क्षेत्र, म्युचुअल फण्ड र इन्भेष्टमेन्ट बाहेक अन्य सबै क्षेत्रको उपसूचक राताम्मे भएको छ।
आज २ सय १२ सय वटा कम्पनीको ९६ लाख ४ हजार ५ सय २९ कित्ता शेयर किनबेच हुँदा ४ अर्ब २४ लाख रुपैयाँ भन्दा बढीको कारोबार भएको छ ।
आज सबैभन्दा धेरै निफ्राको ४३ करोड ६२ लाख रुपैयाँको कारोबार भएको छ । त्यस्तै, अपर तामाकोशीको २९ करोड ८३ लाख रुपैयाँ बराबरको कारोबार भएको छ।
चन्द्रागिरीका लगानीकर्ताले सर्वाधिक धेरै ९ दशमलव ९५ प्रतिशतले कमाएका छन् भने घलेम्दी हाईड्रोपावरका लगानीकर्ताले ९ दशमलव ४९ प्रतिशतले कमाएका छन् ।
हिमालयन पावर पार्टनर लगानीकर्ताले ६ दशमलव २५ प्रतिशतले गुमाएका छन् भने सूर्योदय लघुवित्तका लगानीकर्ताले ४ दशमलव ६१ प्रतिशतका दरले गुमाएका छन्।
