काठमाडौं । आज नेपाल टेलिकम, सबैको लघुवित्त, स्वाबलम्बन लघुवित्त, सिर्जना फाइनान्स, र महिला सहयात्रा लघुवित्तको लाभांश सुरक्षित गर्ने अन्तिम दिन रहेको हो ।
यी विभिन्न पाँच कम्पनीले साधारणसभा प्रयोजनको लागि फागुन २८ गते र चैत्र १ गते बुक क्लोज गर्ने निर्णय गरेकोले आज फागुन २६ गतेसम्म कायम शेयरधनीले मात्र साधारणसभामा भाग लिन र प्रस्तावित लाभांश पाउन सक्ने छन् । फागुन २७ गते विहीबार शिभरात्री परेको हुनाले फागुन २६ गते बुधबारसम्म नेप्सेमा कारोबार भइ कायम शेयरधनीले मात्र सभामा भाग लिन तथा लाभांश पाउन योग्य हुनेछन् ।
महिला सहयात्रा लघुवित्तले चैत्र १८ गते साधारणसभा आह्वान गरेको छ । संस्थाले १० प्रतिशत बोनस शेयर र ० दशमलव ५३ प्रतिशत नगद लाभांश प्रस्ताव गरेको छ ।
त्यस्तै, सिर्जना फाइनान्सले चैत्र १४ गते साधारणसभा आह्वान गरेको छ । कम्पनीले १३ दशमलव ५९ प्रतिशत बोनस र ० दशमलव ६८ प्रतिशत नगद लाभांश प्रस्ताव गरेको छ ।
स्वाबलम्बन लघुवित्तले चैत्र ११ गते साधारणसभा आह्वान गरेको छ । कम्पनीले १९ दशमलव ००५६ प्रतिशत बोनस र १ प्रतिशत नगद लाभांश प्रस्ताव गरेको छ ।
त्यसैगरी, सबैको लघुवित्तले चैत्र १४ गते साधारणसभा आह्वान गरेको छ । कम्पनीले १० दशमलव ५० प्रतिशत बोनस र ० दशमलव ५५ प्रतिशत नगद लाभांश प्रस्ताव गरेको छ ।
नेपाल टेलिकमले चैत १३ गते १३औं वार्षिक साधारण सभा गर्ने भएको छ । कम्पनीले उक्त सभा त्रिभुवन आर्मी अफिसर्स क्लब, टुँडिखेल, काठमाडौंमा बिहान ११ बजे गर्ने जनाएको छ । सभाले आर्थिक वर्ष २०७६र७७ को मुनाफा रकमबाट शेयरधनीहरुलाई प्रतिशेयर ४० रुपैयाँका दरले नगद लाभांश वितरण गर्ने प्रस्ताव पारित गर्नेछ ।
