काठमाडौं । सिन्धु विकास बैंकले चैत ९ गते ११औं वार्षिक साधारण सभा गर्ने भएको छ । बैंकको फागुन १६ गते बसेको सञ्चालक समितिको बैठकले आगन्तुक रिसोर्ट बनेपा, काभ्रेमा विहान १०ः३० बजे सभा गर्ने निर्णय गरेको हो । कोभिडको असरलाई ध्यानमा राखी भर्चुअल माध्यमबाट सभा गर्ने तयारी गरेको बैंकले बताएको छ ।
बैंकले यसवर्ष कुनै पनि लाभांश प्रस्ताव गरेको छैन् । सभामा बैंकले गत आर्थिक वर्ष ०७६/७७ को वार्षिक प्रतिवेदन पारित र चालू आवको लागि लेखापरिक्षकको नियुक्त लगाएतका विषय सभामार्फत पारित गर्नेछ ।
त्यस्तै, सभामा अन्य कुनै बैंक तथा वित्तीय संस्थासँग मर्जर तथा प्राप्ति प्रक्रिया गर्न आवश्यक भएमा त्यसको सम्पूर्ण जिम्मेवारी सञ्चालक समितिलाई दिने निर्णय गरेको छ ।
कम्पनीले साधारण सभा प्रयोजनका लागि फागुन २८ गते एक दिन बुक क्लोज गर्ने भएको छ । बुक क्लोजको आधारमा फागुन २६ गतेसम्म कायम शेयरधनीहरु मात्र सभामा भाग लिन सक्नेछन् । बुक क्लोजको अघिल्लो कारोबार दिन महाशिवरात्रीको सार्वजनिक विदा परेकाले फागुन २६ गतेसम्म शेयर कायम गर्नुपर्नेछ ।
