काठमाडौं । सिद्धार्थ इन्भेष्टमेन्ट ग्रोथ स्कीम–२ को प्रतिइकाई खुद सम्पति मूल्य (न्याभ) बढेको छ । माघ मसान्तसम्मको वित्तीय विवरण अनुसार फण्डको न्याभ १६ रुपैयाँ २५ पैसा कायम भएको छ ।
अघिल्लो महिनाको तुलनामा फण्डको १ रुपैयाँ ३५ पैसाले धेरै हो । अघिल्लो महिनामा फन्डको न्याभ १४ रुपैयाँ ९० पैसा थियो । यस फन्डले माघ मसान्तसम्म १ अर्ब २८ करोड १६ लाख १६ हजार रुपैयाँ बराबरको सूचीकृत सेयर होल्ड गरेको छ । सूचीकृत सेयरमा लगानी रकम भने घटेको हो ।
सिद्धार्थ इन्भेष्टमेन्ट ग्रोथ स्कीम–२ ले माघसम्म कुल ५० वटा सूचीकृत कम्पनीमा लगानी गरेको छ । माघमा यस फन्डको बैंक मौज्दात बढेर ३४ करोड ७१ लाख ७ हजार रुपैयाँ पुगेको छ । पुसमा भने बैंक मौज्दात १६ करोड ७२ लाख ४१ हजार रुपैयाँ मात्र थियो । यस फन्डको मुद्दति निक्षेपमा १५ करोड रुपैयाँ रहेको छ ।
