काठमाडौं । रिलायन्स लाइफ इन्स्योरेन्स कम्पनी लिमिटेडले चालु आर्थिक वर्षको दोस्रो त्रैमासको अपरिष्कृत वित्तीय विवरण सार्वजनिक गरेको छ । कम्पनीले पुस मसान्तसम्ममा अधिकांश सुचकमा उत्साहजनक प्रगति गरेको देखिएको छ ।
कम्पनीले चालु आर्थिक वर्षको दोस्रो त्रैमासमा १ अर्ब १० करोड ९६ लाख रुपैयाँ खुद बीमा शुल्क आर्जन गरेको छ । गत आर्थिक वर्षको सोही अवधिमा कम्पनीले ५७ करोड ७७ लाख रुपैयाँ खुद बीमा शुल्क आर्जन गरेको थियो । गत आर्थिक वर्षको सोही अवधिको तुलनामा कम्पनीको खुद बीमा शुल्क आर्जन ९२ प्रतिशतले बढी हो ।
चालु आर्थिक वर्षको पुस मसान्तसम्ममा कम्पनीले ५ करोड ७८ लाख रुपैयाँ खुद नाफा कमाएको छ । गत आर्थिक वर्षको सोही अवधिको तुलनामा खुद नाफा २४ प्रतिशतले बढी हो । गत आर्थिक वर्षको सोही अवधिसम्ममा कम्पनीले ४ करोड ६५ लाख रुपैयाँ खुद नाफा कमाएको थियो ।
२ अर्ब १० करोड रुपैयाँ चुक्ता पूँजी रहेको कम्पनीको जगेडा कोषमा १९ करोड ८५ लाख रुपैयाँ रहेको छ । जीवन बीमा कोषमा १ अर्ब ७९ करोड रुपैयाँ रहेको छ । गत आर्थिक वर्षको सोही अवधिमा कम्पनीको जीवन बीमा कोषमा ७७ करोड ५९ लाख रुपैयाँ रहेको थियो । गत आर्थिक वर्षको सोही अवधिको तुलनामा कम्पनीको जीवन बीमा कोष १३१ प्रतिशतले बढी हो । महाविपत्ती कोषमा २ करोड २० लाख रुपैयाँ सञ्चित छ ।
समिक्षा अवधिमा कम्पनीले १४ करोड ३ लाख रुपैयाँ खुद दाबी भुक्तानी गरेको छ । गत आर्थिक वर्षकोे सोही अवधिमा कम्पनीले ३३ लाख रुपैयाँ खुद दाबी भुक्तानी गरेको थियो ।
समिक्षा अवधिमा कम्पनीले १ अर्ब १५ करोड रुपैयाँ कुल बीमा शुल्क आर्जन गरेको थियो । गत आथिृक वर्षको सोही अवधिमा कम्पनीले ६० करोड ६१ लाख रुपैयाँ कुल बीमा शुल्क आर्जन गरेको थियो ।
यस अवधिसम्ममा कम्पनीको प्रतिशेयर आम्दानी ५ रुपैयाँ ५१ पैसा रहेको छ । प्रतिशेयर नेटवर्थ १ सय १० रुपैयाँ ५० पैसा रहेको छ । कम्पनीको मुल्य आम्दानी अनुपात ११५.५२ गुणा रहेको छ ।
