काठमाडौं । सपोर्ट माइक्रोफाइनान्स वित्तीय संस्थाले चालु आर्थिक वर्षको दोस्रो त्रैमासको वित्तीय विवरण प्रकाशन गरेको छ । गत आवको दोस्रो त्रैमासको तुलनामा कम्पनीको नाफा चालू आवको सोही अवधिको तुलनामा २ दशमलव ४ गुणा वृद्धि भएको छ ।
कम्पनीले गत आवको दोस्रो त्रैमासमा ६३ लाख ७७ हजार रुपैयाँ नाफा कमाएकोमा चालू आवको सोही अवधिमा वृद्धि भएर १ करोड ५८ लाख रुपैयाँ पुगेको हो ।
गत आवको दोस्रो त्रैमासको तुलनामा चालू आवको सोही अवधिमा कम्पनीको खुद ब्याज आम्दानी ६४ प्रतिशत र सञ्चालन नाफा १५० प्रतिशतले वृद्धि भएको छ । चुक्तापूँजी ६ करोड ६० लाख रहेको कम्पनीको जगेडा कोषमा ३ करोड ७८ लाख रुपैयाँ सञ्चित रहेको हो ।
चालू आवको दोस्रो त्रैमाससम्ममा कम्पनीले ७८ करोड ९९ लाख सापटी लिएर २१ करोड ४ लाख निक्षपे संकलन गरेर १ अर्ब ४ करोड ७१ लाख कर्जा लगानी गरेको हो ।
समिक्षा अवधिमा प्रतिशेयर आम्दानी ४७ दशमलव ९०, मूल्य आम्दानी अनुपात २६ दशमलव ४९ गुणा,तरलता अनुपात ६ दशमलव ८१ प्रतिशत र प्रतिशेयर नेटवर्थ १५७ दशमलव ३९ रहेको छ ।
