काठमाडौँ । सनराइज बैंक लिमिटेडले चालु आर्थिक वर्ष २०७७/७८ को दोस्रो त्रैमासको वित्तीय विवरण सार्वजनिक गरेको छ । चालु आर्थिक वर्षको दोस्रो त्रैमाससम्म आइपुग्दा बैंकले ९४ करोड ९४ लाख १२ हजार रुपैयाँ खुद नाफा आर्जन गर्न सफल भएको छ । गत वर्षको सो बढी हो । गत आर्थिक वर्षको सोही अवधिमा बैंकले ९४ करोड ४३ लाख ८८ हजार रुपैयाँ खुद नाफा आर्जन गरेको थियो ।
बैंकको चुक्ता पूँजी ९ अर्ब ४८ करोड ७९ लाख रुपैयाँ, शेयरधनी कोषमा ७९ करोड ३४ लाख रुपैयाँ र जगेडा कोषमा ३ अर्ब ९१ करोड ९५ लाख रुपैयाँ रहेको छ ।
दोस्रो त्रैमाससम्म आइपुग्दा बैंकको खुद व्याज आम्दानी ११ दशमलव ३१ प्रतिशतले घटेर १ अर्ब ८१ करोड ५८ लाख २४ हजार रुपैयाँमा सीमित भएको छ । गत आर्थिक वर्षको सोही अवधिमा बैंकले २ अर्ब ४ करोड ७४ लाख ३५ हजार रूपैयाँ खुद व्याज आम्दानी गरेको थियो ।
दोस्रो त्रैमासमा बैंकले १ अर्ब ३५ करोड ६३ लाख रुपैयाँ सञ्चालन मुनाफा गरेको छ । गत वर्षको यसै अवधिको तुलनामा बैंकको संचालन मुनाफा ० दशमलव ८३ प्रतिशतले बढी हो ।
यस अवधिसम्ममा बैंकको प्रतिशेयर आम्दानी २० रुपैयाँ १ पैसा र प्रतिशेयर नेटवर्थ १४९ रुपैयाँ ६७ पैसा रहेको छ ।
