काठमाडौँ । महालक्ष्मी लाइफ इन्स्योरेन्स कम्पनी लिमिटेडले तेश्रो वार्षिक साधारण सभा फागुन ३ गते गर्ने भएको छ । कम्पनीको माघ ७ गते, बुधबार बसेको सञ्चालक समितिको बैठकले गरेको निर्णय अनुसार उक्त सभाको मिति तय भएको छ । सभा होटल याडिसन, लाजिम्पाट, काठमाडौंमा बिहान ११ बजेबाट सुरु हुने कम्पनीले जनाएको छ ।
सभामा कम्पनीको सञ्चालक समितिको तर्फबाट अध्यक्षद्वारा आर्थिक वर्ष २०७५/७६ को वार्षिक प्रतिवेदनबारे छलफल गरी पारित गरिनेछ । त्यस्तै, कम्पनीको आर्थिक वर्ष २०७५/७६ को लेखापरीक्षण प्रतिवेदन, वासलात, नाफा नोक्सान हिसाब र सोहि अवधिको नगद प्रवाह विवरण लगायतका वित्तीय विवरणहरू छलफल गरी पारित गरिने जनाएको छ ।
त्यसैगरी सभामा आर्थिक वर्ष २०७६/७७ को लागि लेखापरीक्षक नियुक्ती गरी पारिश्रमिक पनि तोकिनेछ । सभामा आइपिओ निष्कासन गर्ने विशेष प्रस्ताव पारित गरिनेछ ।
सभामा कम्पनीको संचाल समितिमा समुह क संस्थापक शेयरधनीको तर्फबाट प्रतिनिधित्व गर्ने पाँच जना संचालक निर्वाचन गर्ने, संचालक समितिको बैठक भत्ता लगायतका एजेण्डा रहेका छन् ।
