काठमाडौँ । सिटिजन्स बैंक इन्टरनेशल लिमिटेडले चालु आर्थिक वर्ष २०७७/७८ को दोस्रो त्रैमासको वित्तीय विवरण सार्वजनिक गरेको छ । यस अवधिसम्म बैंकले ८७ करोड ५१ लाख रुपैयाँ खुद नाफा आर्जन गर्न सफल भएको छ । गत वर्षको सोही अवधिको तुलनामा बैंकको नाफा २७ दशमलव २६ प्रतिशतले बी हो । गत आर्थिक वर्षको यसै अवधिमा बैंकले ६८ करोड ७७ लाख रुपैयाँ खुद नाफा आर्जन गरेको थियो ।
९ अर्ब ८१ करोड रुपैयाँ बैंकको चुक्ता पूँजी भएको बैंकको जगेडा कोषमा ३ अर्ब ४३ करोड ८० लाख रुपैयाँ संचिती रहेको छ ।
यस अवधिसम्ममा बैंकले १ अर्ब ६१ करोड ६१ लाख रुपैयाँ खुद व्याज आम्दानी गरेको छ । उक्त आम्दानी गत वर्षको यसै अवधिको तुलनामा १२ दशमलव ३९ प्रतिशतले धेरै हो ।
दोस्रो त्रैमासमा बैंकले १ अर्ब १६ करोड २० लाख रुपैयाँ सञ्चालन मुनाफा गरेको छ । उक्त मुनाफा रकम गत वर्षको यसै अवधिको तुलनामा २१।५६ प्रतिशतले धेरै हो ।
यस अवधिसम्ममा प्रतिशेयर आम्दानी १७ रुपैयाँ ८३ पैसा र प्रतिशेयर नेटवर्थ १४३ रुपैयाँ ९५ पैसा रहेको छ ।
