काठमाडौं। एक लघुवित्त वित्तीय सस्था र एक विकास बैंकको साधारण सभा शनिवार हुने भएको छ। मुक्तिनाथ विकास बैंक र आशा लघुवित्त वित्तीय संस्थाले साधारण सभा गर्न लागेका हुन् । आशा लघुवित्त वित्तीय संस्थाले फल एण्ड ट्राउट भिलेज होटल एण्ड रेष्टुरेण्ट ककनी नुवाकोटमा बिहान ११ बजे साधारण सभा बोलाएको छ ।
सभाले १५ प्रतिशत बोनस शेयर शून्य दशमलव ७८९ प्रतिशत नगद लाभांश वितरण गर्ने प्रस्ताव पारित गर्नेछ । पुस ११ गतेसम्म कायम शेयरधनीले लाभांश पाउनेछन् ।
त्यसैगरी मुक्तिनाथ विकास बैंकले होटल पोखरा पार्दीमा साधारण सभा बोलाएको छ । सभाले ११ दशमलव २५ प्रतिशत बोनस शेयर र ४ दशमलव २५७ प्रतिशत नगद लाभांश वितरण गर्ने प्रस्ताव पारित गर्नेछ । उक्त कम्पनीको लाभांश पुस १२ गतेसम्म कायम शेयरधनीले पाउनेछन् ।
