काठमाडौँ । सानिमा बैंक लिमिटेडले पुस १ गते, बुधबारबाट पुस १५ गते, बुधबारसम्म निष्काशन तथा बिक्री खुला गरेको ऋणपत्र बाँडफाँड भएको छ ।
उक्त अवधिभित्र रितपूर्वक आवेदन दिएका आवेदकहरुलाई पुस २१ गते मंगलबार धितोपत्र निष्काशन तथा बिक्री प्रबन्धक, निष्काशनकर्ता कम्पनीको प्रतिनिधि तथा सार्वसाधारणहरुको उपस्थितिमा ऋणपत्र बाँडफाँड गरिएको हो ।
बैंकको सञ्चालक समितिले भने पुस २२ गते, बुधबार बाँडफाँडलाई अनुमोदन गरेको निष्काशन तथा बिक्री प्रबन्धक एनआईसी एशिया क्यापिटल लिमिटेडले जनाएको छ ।
बैंकले १० वर्ष अवधिको लागि ‘१० दशमलव २५ प्रतिशत सानिमा बैंक डिबेन्चर २०८७’ नाममा ४ अर्ब रूपैयाँ बराबरको ४० लाख कित्ता ऋणपत्र निष्कासन तथा बिक्री खुला गरेको थियो । जसमध्ये बैंकले सर्वसाधारणका लागि १६ लाख कित्ता र व्यक्तिगत रुपमा विभिन्न संघ संस्थालाई २४ लाख कित्ता बिक्री गरेको थियो । यसैगरी, सर्वसाधारणका लागि निष्कासन गरिने कुल ऋणपत्रमध्ये ५ प्रतिशत अर्थात् ८० हजार कित्ता कित्ता ऋणपत्र सामूहिक लगानी कोषका लागि छुट्याइएको थियो ।
