काठमाडौं । नेपाल स्टक एक्सचेन्जमा साताको पहिलो दिन आज शेयर मूल्यमा उछाल आएको छ । नेप्सेमा आएको उछालसँगै नेप्से परिसूचकले समेत ऐतिहासिक रेडर्क कायम गर्न सफल भएको छ ।
आइतबार एकै दिन नेप्से ८८.१२ अंकले बढ्दा कूल नेप्से परिसूचक २१७५.३९ पुगेको छ ।
नेप्सेमा उछाल आएपनि कारोबार रकम भने मध्यम देखिएको आइतबार नेप्सेमा यसअघि रेडर्क नै तोड्ने गरी भएको नौ अर्बको दुई तिहाई हाराहारी मात्रै कारोबार भएको छ । नेप्सेको तथ्याङ्क अनुसार एक करोड ४० लाख आठ हजार ४८९ कित्ता शेयर कारोबारबाट छ अर्ब ३३ करोड ६२ लाख ९५ हजार ३८३ रुपैयाँको कारोबार भएको छ ।
