काठमाडौं । एनआईसी एशिया बैंक लिमिटेडले आफ्नो स्वामित्वमा रहेको तीन बीमा कम्पनी सूर्या लाइफ इन्स्योरेन्स कम्पनी लिमिटेड, एशियन लाइफ इन्स्योरेन्स कम्पनी लिमिटेड , नेशनल लाइफ इन्स्योरेन्स कम्पनी र एक नागरिक लगानी कोष लिमिटेडको संस्थापक समूहको शेयर आजबाट लिलाम बढाबढ गरी बिक्री खुला गरेको छ ।
बैंकले नागरिक लगानी कोषको २ लाख २ हजार ५ सय ६० कित्ता, सूर्या लाइफ इन्स्योरेन्स कम्पनी लिमिटेडको एक लाख ९० हजार ३ सय ७४ कित्ता, एशियन लाइफ इन्स्योरेन्स कम्पनी लिमिटेडको एक लाख ३० हजार २ सय ९० कित्ता र नेशनल लाइफ इन्स्योरेन्स कम्पनी लिमिटेडको एक लाख ३ हजार ९ सय ७६ कित्ता संस्थापक समूहको शेयरहरू लिलाम बढाबढ गरी बिक्री गर्न लागेको हो ।
लगानीकर्ताले आजबाट पुस २४ गते शुक्रबारसम्म बोलपत्र पेश गर्नुपर्नेछ । लगानीकर्ताले न्युनतम एक सय कित्ता र अधिकतममा १० ले भाग जाने गरि सबै कित्ताको लागि आवेदन दिन सक्नेछन् ।
कम्पनीको निष्कासन तथा बिक्री प्रबन्धक एनआईसी एशिया क्यापिटल लिमिटेड रहेको छ । लगानीकर्ताहरुले एनआईसी एशिया क्यापिटल लिमिटेड, बबरमहल, काठमाडौं तथा एनआईसी एशिया बैंक लमिटेडको केन्द्रीय कार्यालय थापाथली र शाखा कार्यालयहरु विराटनगर, वीरगंज, पोखरा, बुटवल, धनगढी र सुर्खेतबाट आवेदन दिन सकिने कम्पनीले जनाएको छ ।
यस्तो छ शेयर मुल्य
नागरिक लगानी कोष १७१५
सूर्या लाइफ इन्स्योरेन्स कम्पनी लिमिटेड ३३७
एशियन लाइफ इन्स्योरेन्स कम्पनी लिमिटेड ४६९
नेशनल लाइफ इन्स्योरेन्स कम्पनी लिमिटेड ५५०
