काठमाडौं । सानिमा बैंक र एनसेल आजियाटा लिमिटेडबीच सम्झौता भएको छ । सानिमा बैंकको मोबाइल एप (सानिमा सजिलो ई बैंकिङ्ग) प्रयोगकर्ताहरुका लागि निःशुल्क सिम कार्डका साथै बैंकको मोबाइल एप प्रयोग गर्न निःशुल्क इन्टरनेट प्याकेज दिने सम्झौता भएको हो ।
उक्त सम्झौतापत्रमा बैंकका तर्फबाट प्रमुख निक्षेप अधिकृत सरोज गुरागाईं र एनसेल आजियाटा लिमिटेडका तर्फबाट प्रमुख कानून, नियामक तथा संस्थागत सेवा अधिकृत रमेश घिमिरेले हस्ताक्षर गरेका हुन् ।
सम्झौता पछि सानिमा बैंकमा खाता खोली बैंकको मोबाइल एप् (सानिमा सजिलो ई बैंकिङ्ग) सेवा लिने बैंकका सेवाग्राहीहरुलाई करिब ३०० बराबरको डाटा तथा भ्वाइस सेवा सहितको निःशुल्क सिम कार्ड प्रदान गरिने जनाएको छ । साथै, बैंकका ग्राहकहरुले मोबाइल एप प्रयोग गर्न प्रत्येक महिना थप २५० एमबी निःशुल्क इन्टरनेट प्राप्त गर्ने समेत बैंकले जनाइएको छ ।
हालसम्म बैंकले सातै प्रदेशमा ८५ वटा शाखा, १४ विस्तारित काउन्टर र ८२ वटा एटिएम मार्फत बैंकिङ सेवा प्रदान गर्दै आएको छ ।
