काठमाडौं । अरुण भ्याली हाइड्रोपावरले प्रस्ताव गरेको ५ दशमलव २६ प्रतिशत लाभांश सुरक्षित गर्ने भोलि अन्तिम दिन रहेको छ ।कम्पनीले यस आर्थिक वर्षमा ५ प्रतिशत बोनस शेयर र कर प्रयोजनका लागि शून्य दशमलव २६ प्रतिशत नगद लाभांश वितरणको प्रस्ताव गरेको छ ।
साथै कम्पनीले उक्त प्रस्ताव सहित विविध प्रस्ताव पारित गर्न पुस ८ गतेका लागि २३औं वार्षिक साधारण सभा कम्पनीले आव्हान गरेको छ ।सभा प्रयोजनका लागि मंसिर २६ गतेदेखि बुक क्लोज गर्ने भएकाले मंसिर २५ गतेसम्म कायम शेयरधनीहरु मात्र सभामा भाग लिन पाउने छन् ।
उक्त सभा कम्पनीको सभाकक्ष, ट्रेडटावर थापाथली, काठमाडौंमा विहान ११ हुने भएको छ । सभा भर्चुअल माध्यमबाट सम्पन्न गर्ने तयारी रहेको कम्पनीले जनाएको छ ।
साथै सभामार्फत कम्पनीले बोनस पश्चात कायम चुक्तापूँजीको आधारमा १ बराबर शून्य दशमलव ५ को अनुपातमा हकप्रद विक्री गर्ने प्रस्ताव पनि राख्ने भएको छ ।
